Kasargod Madikai Eachikkanam Koravil Vayanattu Kulavan Devasthanam
(മടിക്കൈ ഏച്ചിക്കാനം കൊരവില് വയനാട്ട് കുലവന് ദേവസ്ഥാനം)
About this Kavu
മടിക്കൈ: 2017 മാര്ച്ച് 7, 8, 9 തീയതികളില് മടിക്കൈ ഏച്ചിക്കാനം കൊരവില് വയനാട്ട് കുലവന് തെയ്യംകെട്ട് മഹോത്സവ ഒരുക്കങ്ങള് തുടങ്ങി. ഉത്സവത്തിന്റെ ഭാഗമായുള്ള കൂവം അളക്കല് ചടങ്ങും അടയാളം കൊടുക്കല് ചടങ്ങും നടന്നു. മാര്ച്ച് 7-ന് സന്ധ്യാദീപത്തോടെ കൈവീതും തുടര്ന്ന് തെയ്യം കൂടലോടെയാണ് ഉത്സവത്തിന് തുടക്കമാകുന്നത്. മാര്ച്ച് 8-ന് കാര്ന്നോന് തെയ്യം, കോരച്ചന് തെയ്യം, കണ്ടനാര്കേളന്, വയനാട്ട് കുലവന് തെയ്യങ്ങളുടെ വെള്ളാട്ടം, രാത്രി 11 ന് വിഷ്ണുമൂര്ത്തിയുടെ തിടങ്ങല്. മാര്ച്ച് 9-ന് കാര്ന്നോര്തെയ്യം, കോരച്ചന് തെയ്യം, കണ്ടനാര്കേളന് തെയ്യം, വൈകുന്നേരം മൂന്നുമണിക്ക് വയനാട്ട് കുലവന് തെയ്യത്തിന്റെ പുറപ്പാട്, വൈകുന്നേരം 5 മണിക്ക് വിഷ്ണുമൂര്ത്തിയുടെ പുറപ്പാട്, രാത്രി 10ന് മറപിളര്ക്കുന്നതോടെ ഉത്സവത്തിന് സമാപനം കുറിക്കും.
പെരിയാങ്കോട്ട് ഭഗവതിദേവസ്ഥാനം, വെള്ളച്ചേരി കാലിച്ചാന് വിഷ്ണുമൂര്ത്തിക്ഷേത്രം, എരിക്കുളം വേട്ടയ്ക്കൊരുമകന്ക്ഷേത്രം, അഴകുളം ഭഗവതിക്ഷേത്രം, വാഴക്കോട്, കോഡറക്കോട്ട് ക്ഷേത്രം, വെള്ളൂട ദുര്ഗാഭഗവതിക്ഷേത്രം തുടങ്ങി ഇരുപതോളം ദേവസ്ഥാനങ്ങളില്നിന്നും തറവാടുകളില്നിന്നും ഭക്ഷണവിഭവങ്ങള് കലവറയിലേക്കൊഴുകി.